Юрыст Народнага антыкрызіснага ўпраўлення Міхаіл Кірылюк заявіў, што ў выпадку, калі расейскія войскі ўварваліся ва Украіну з боку беларускай мяжы, гэта значыць, што Беларусь зрабілася краінай-агрэсарам.
«Калі цяпер расейскія войскі ўвайшлі ва Украіну з боку Беларусі, гэта значыць, што Лукашэнка зрабіў Беларусь краінай-агрэсарам і ўдзельнікам вайны», – пракаментаваў «Белсату» Міхаіл Кірылюк.
Ён удакладніў, што ў гэтым бяруць удзел не ўсе беларусы, а прынамсі тыя памежныя і вайсковыя часткі, якія дапамагаюць Расеі.
Паводле памежнай службы Украіны, расейскія войскі атакавалі мяжу краіны і з беларускага боку, пры «падтрыманні Беларусі».
Да гэтага Беларусь ніколі не была краінай-агрэсарам і вяла толькі абарончыя войны.
Раней кіраўнік еўрапейскай дыпламатыі Жузэп Бурэль заяўляў: калі Беларусь стане пунктам уварвання расейскіх войскаў ва Украіну, яна «страціць суверэнітэт».
ЗК belsat.eu