«Патруль закідалі камянямі». У Польшчы заявілі пра напад мігрантаў на памежнікаў з тэрыторыі Беларусі
За мінулыя содні 81 асоба спрабавала трапіць з Беларусі ў Польшчу. Сярод іх былі грамадзяне Марока, Нігерыі і Індыі. На адным участку мяжы на польскіх пагранічнікаў напалі з камянямі, паведамляе Памежная служба рэспублікі ў сваім Twitter.
Паводле афіцыйнай інфармацыі, 20 траўня ў Польшчу з тэрыторыі Беларусі не пусцілі 81 асобу. У тым ліку – 11 замежнікаў, якія адышлі ад мяжы, пабачыўшы польскія патрулі.
На адным участку граніцы памежнікаў, якія спынілі групу з 13 мігрантаў, закідалі камянямі.
«Некаторыя асобы ў групе былі ў масках і з рацыямі. Нелегальная міграцыя стала падтрымліваецца беларускімі службамі», – сцвярджае памежная ахова.
Акрамя таго, недалёка ад Баброўнікаў затрымалі грамадзяніна Узбекістана, які перавозіў 7 афганцаў.
Тым часам у Літве паведамілі, што за содні з тэрыторыі Беларусі не пусцілі 11 замежнікаў, а ў Латвію спрабавалі трапіць 34 мігранты.
Сяргей Крот belsat.eu
