Генеральны сакратар NATO Енс Стольтэнбэрг напярэдадні сустрэчы міністраў абароны краінаў удзельніц альянсу зладзіў прэсавую канферэнцыю, на якой адказаў на пытанні журналістаў.
Уладзімір Пуцін «правальваецца» ва Украіне, лічыць генеральны сакратар NATO Енс Стольтэнбэрг. На думку кіраўніка альянсу, спробы анексіі, частковая мабілізацыя і неабдуманая ядравая рыторыка ўяўляюць сабою найбольш значную эскалацыю з пачатку вайны. І менавіта гэта паказвае, што вайна ідзе не так, як планавалася.
«Гэтую вайну пачаў Пуцін. Ён павінен пакончыць з гэтым праз вывад сваіх сілаў з Украіны. І Лукашэнка павінен спыніць суўдзел Беларусі ў гэтым незаконным канфлікце», – заявіў генеральны сакратар NATO.
Кіраўнік альянсу абяцае надалей падтрымліваць Украіну ў гэтай вайне.
13 кастрычніка NATO плануе паседжанне групы ядравага планавання. Раней, 30 верасня, прэзідэнт Украіны Уладзімір Зяленскі заявіў, што Кіеў падае заяўку на ўступленне ў NATO ў паскораным парадку.
Алена Аляксандрава belsat.eu