Беларусь і Літва дамовіліся пра стварэнне новага міжнароднага пункту пропуску на дзяржаўнай мяжы. Пра гэта паведамілі ў Дзяржаўным мытным камітэце.
Пратакол аб унясенні змяненняў у пагадненне паміж урадамі дзвюх краін аб пунктах пропуску праз дзяржаўную мяжу ад 18 ліпеня 1995 года быў падпісаны 31 снежня.
У дакуменце гаворыцца пра змяненне статусу пункта спрошчанага пункта пропуску Відзы (Твярачус) на міжнародны і скасаванне пунктаў спрошчанага пропуску Клявіца (Ураляй) і Кемелішкі (Прыенай).
Прычына такога рашэння ў неабходнасці павелічэння прапускной здольнасці пунктаў пропуску і мінімізацыі навалы транспартных сродкаў на беларуска-літоўскай мяжы, у тым ліку ва ўмовах пункту пропуску «Каменны Лог».
МГ belsat.eu