Яна брала ўдзел у пікеце па збору подпісаў 31 траўня ў Віцебску.
Сёння 4 чэрвеня дахаты да Таццяны Севярынец, матулі палітыка Павала Севярынца, прыйшлі міліцыянты, каб скласці пратакол паводле арт. 23.34 («Парушэнне закону аб масавых мерапрыемствах»). Аб гэтым ён напісаў у сваім Facebook.
«Прыйшоў ажно маёр, зяць суседкі. Таварышам трэба памятаць: усе, хто фабрыкуе і падпісвае незаконныя паперы, неўзабаве адкажуць па ўсёй строгасці закона», – адзначыў Павал у допісе.
У нядзелю 31 траўня ў Віцебску сабраўся вялізны натоўп, каб паставіць подпісы за Святлану Ціханоўскую, Віктара Бабарыку і Валера Цапкалу, якія ў той дзень мелі свае вялікія пікеты.
КТ belsat.eu