Мінздароўя: у Беларусі 4779 выпадкаў інфікавання каронавірусам, 42 чалавекі памерлі
Міністэрства аховы здароўя апублікавала новыя дадзеныя па сітуацыі з каронавіруснай інфекцыяй у Беларусі.
Па стане на 17 красавіка ў Беларусі зарэгістравана 4779 чалавек з наяўнасцю каронавіруснай інфекцыі. Памерлі 42 чалавекі.
«Зарэгістравана 4779 чалавек з наяўнасцю каронавіруснай інфекцыі. Выздаравелі і выпісаныя – 342 пацыента.
Памерлі 42 пацыенты з шэрагам хранічных захворванняў з выяўленай каронавіруснай інфекцыяй», – адзначаецца ў прэс-рэлізе Міністэрства аховы здароўя.
Учора Мінздароўя афіцыйна пацвердзіла 40 смерцяў і 4204 выпадка заражэння. Такім чынам, колькасць інфікаваных у Беларусі за содні павялічылася на 575 чалавек, а колькасць ахвяраў – на 2 чалавекі.
Падчас брыфінгу міністр аховы здароўя Уладзімір Каранік таксама агучыў статыстыку па рэгіёнах:
- 112 выпадкаў інфікавання на Берасцейшчыне;
- 217 на Магілёўшчыне;
- 79 у Гарадзенскай вобласці;
- 2308 у Менску;
- 1282 на Віцебшчыне;
- 588 у Менскай вобласці;
- 193 у Гомельскай вобласці.
Агулам у Беларусі праведзена 86 813 тэстаў на каронавірус, паведамляюць у міністэрстве.
ІІ belsat.eu
