Міністэрства аховы здароўя Беларусі адкрыла дабрачынны рахунак для збору сродкаў на барацьбу і выяўленне COVID-19.
Мінздароўя адкрыла дабрачынны рахунак пасля шэрагу зваротаў з прапановаю «аказаць спонсарскую дапамогу сістэме аховы здароўя». Сабраныя грошы будуць накіраваныя на набыццё абсталявання і лабараторную дыягностыку COVID-19, паведамляе ведамства.
Па стане на 16 сакавіка ў Беларусі было выканана 1699 тэстаў на 1 млн. насельніцтва.
Паводле Мінздароўя Беларусі на тэрыторыі нашай краіны (па стане на 24 сакавіка) зафіксавалі 81 выпадак заражэння каронавірусам.
ЮВ belsat.eu
