Мінадукацыі вызначыла мінімальны парог балаў на ЦТ. Для вайсковых ВНУ ён ніжэй за астатнія

Міністэрства адукацыі Беларусі вызначыла, якія адзнакі на цэнтралізаваным тэставанні сёлета будуць лічыцца нездавальняючымі.

Па прадметах «беларуская мова» або «руская мова» нездавальняючымі будуць лічыцца адзнакі ад 0 да 9 балаў уключна, для спецыяльнасцяў філалагічнага профілю – ад 0 да 24.

Па першым прадмеце профільнага іспыту «Матэматыка», «Фізіка», «Хімія», «Біялогія» – адзнакі ад 0 да 19 балаў, па прадметах «Гісторыя Беларусі», «Сусветная гісторыя (найноўшы час)», «Грамадазнаўства», «Геаграфія» і замежных мовах – адзнакі ад 0 да 24 балаў.

Па другім прадмеце профільнага іспыту «Матэматыка», »Фізіка», «Хімія», «Біялогія» – адзнакі ад 0 да 9 балаў (уключна), «Гісторыя Беларусі», «Сусветная гісторыя», «Геаграфія», « замежныя мовы (англійская, нямецкая, французская, іспанскі, кітайскі)»- адзнакі ад 0 да 14 балаў.

Пры ажыццяўленні набору ў ВНУ, якія знаходзяцца ў падпарадкаванні Міністэрства абароны, Міністэрства па надзвычайных сітуацыях і Дзяржаўнага пагранічнага камітэта, на вайсковыя факультэты ВНУ і шэраг сельскагаспадарчых спецыяльнасцяў нездавальняючымі лічацца толькі адзнакі ад 0 да 6 па ўсім прадметам.

ІІ, belsat.eu