Міліцыянты жорстка затрымалі ўдзельніц жаночага маршу ў Менску. Агулам, паводле спісаў праваабарончага цэнтру «Вясна», затрымалі больш за 300 асобаў.
Міліцыянты атачылі ўдзельніц жаночага маршу каля гандлёвага цэнтру «Еўропа» і «Айсберг» і жорстка затрымлівалі кожнага. У спісе затрыманых апынулася і 73-гадовая Ніна Багінская, а таксама дзяўчына 2004 году нараджэння. Невядомыя ў балаклавах хапалі дзяўчат з натоўпу, даганялі тых, хто ўцякаў. Калі ж аўтазакі запоўнілі, міліцыянты з’ехалі.
Людзі сталі ў ланцуг уздоўж вуліцы Сурганава. Але неўзабаве аўтазакі ізноў прыехалі. Невядомыя ў балаклавах і зялёнай форме без апазнавальных знакаў зноў распачалі хапун.
Пазней міліцыянты паведамілі, што праз тры гадзіны ўсіх затрыманых вызваляць.
СК belsat.eu