Беларускі рубель трэці дзень запар імкліва падае. Гэта звязана з абвалам рынку ў Расеі, які адбыўся пасля ўвядзення новых санкцыяў ЗША.
Ці баіцеся вы дэвальвацыі? З гэткім пытаннем нашыя карэспандэнты падыходзілі 11 красавіка на вуліцах Менску.
«Можна баяцца, але гэта бессэнсоўна. Таму калі ёсць наагул нейкія планы ў жыцці, трэба з’язджаць», – заўважыла жыхарка сталіцы.
Іншы жыхар Менску адзначыў:
«Гэта ўсё таму, што Расея тоне, а мы з ёй вельмі блізка. Мы сыдзем на Захад, у нас усё будзе добра, а Расея патоне».
Яшчэ адзін апытаны заявіў:
«Калі прыбярэм Лукашэнку, то, вядома, супрацьстаім усяму гэтаму. Самы галоўны тормаз – гэта Лукашэнка».
Паглядзіце відэа і падзяліцеся сваім меркаваннем у каментарах!
