Затрыманы ў Мазыры мадэратар сацсетак «Краіны для жыцця» Дзмітрый Папоў з 5 чэрвеня знаходзіцца ў ЦІП на Акрэсціна ў Менску.
Яму прызначылі 15 содняў адміністратыўнага арышту, паведамляе Праваабарончы цэнтр «Вясна».
У чым канкрэтна вінавацяць Папова – невядома.
Акрамя яго, у ЦІП знаходзяцца яшчэ трое жыхароў Мазыру: аўтар канала «Мазыр для жыцця» Аляксандр Цуканаў, ягоны сябар Дзяніс Колас, а таксама фермер Аляксандр Вянгура, пра якога здымаў сюжэты блогер Сяргей Ціханоўскі. Усе трое атрымалі па 15 содняў арышту.
Раней паведамлялася, што мадэратар сацсетак «Краіны для жыцця», грамадзянін РФ Дзмітрый Папоў знік увечары 4 чэрвеня. Да гэтага ён запісаў відэа, дзе распавёў, што яго шукаюць міліцыянты і хочуць затрымаць у межах крымінальнай справы. Пасля гэтага ён перастаў выходзіць на сувязь.
КА belsat.eu
