Аляксандр Лукашэнка ў інтэрв’ю тэлерадыёкампаніі «Мир» заявіў, што для ягоных дзяцей Дзень Перамогі – сямейнае свята.
Падчас інтэрв’ю Лукашэнку запыталі, як ставяцца да Дня Перамогі ягоныя дзеці і ўнукі.
«Дзень Перамогі, Дзень Незалежнасці – гэта ў нас, як сямейнае свята. І мае старэйшыя сыны выхоўваюць сваіх дзяцей у духу адданасці гэтых традыцый. То бок я – носьбіт гэтага добрага вірусу Вялікай Айчыннай вайны, каштоўнасцяў гэтай вайны, для дзяцей», – заявіў ён.
Лукашэнка адзначыў, што з дзяцінства памятае страшную галечу ў пасляваеннай Беларусі.
«Не было чаго паесці. Усе што выраблялі – для беларусаў было галоўнай задачай забяспечыць Маскву і Пецярбург прадуктамі харчавання. Часам людзі харчаваліся па астаткавым прынцыпе. Але неяк жылі, выжывалі. Ніхто ні на каго не крыўдзіўся», – дадаў ён.
ІІ belsat.eu
