Як паведамляе сайт кіраўніка дзяржавы, 25-27 красавіка Аляксандр Лукашэнка прыме ўдзел у II Форуме міжнароднай супрацы «Пояс і шлях» у Пекіне. Акрамя таго, на палях дадзенага форуму ён правядзе шэраг двухбаковых сустрэч.
У прыватнасці, запланаваная сустрэча Лукашэнкі са старшынёй КНР Сі Цзінь Пінам, «на якой бакі абмяркуюць рэалізацыю найбольш значных сумесных праектаў, развіццё міжрэгіянальнай супрацы і перспектывы паглыблення беларуска-кітайскага ўзаемадзеяння ў гандлёва-эканамічнай, інвестыцыйнай, гуманітарнай і іншых сферах».
Адбудуцца, як плануецца, і іншыя перамовы з замежнымі лідарамі, сцвярджаюць у прэс-службе Лукашэнкі. Праўда, з кім канкрэтна – не ўдакладняецца.
ІІ belsat.eu