Літоўская камісія па радыё і тэлебачанні пастанавіла забараніць у Літве трансляцыю расейскага тэлеканалу «RT». Падставаю для такой захады з’яўляецца тое, што расейскі прапагандыст Дзмітрый Кісялёў у «чорным спісе ЕЗ», паведамляе «Літоўскае нацыянальнае радыё і тэлебачанне».
Рашэнне аб забароне вяшчання на тэрыторыі Літвы ўводзіцца з 9 ліпеня.
«З улікам інфармацыі Міністэрства замежных справаў Літоўская камісія па радыё і тэлебачанні прыняла рашэнне спыніць рэтрансляцыю на тэрыторыі Літоўскай Рэспублікі пяці праграмаў «RT», – сказаў старшыня камісіі Мантас Марцішус.
Рашэнне спыніць праграмы абумоўленае санкцыямі ў дачыненні да Дзмітрыя Кісялёва.
Расейскі канал «RT», які раней называўся «Russia Today», на мінулым тыдні забаранілі і ў Латвіі.
СК belsat.eu