Беларус і за мяжою беларус, а салідарнасць не ведае межаў – лічаць удзельнікі ўжо другой акцыі падтрымання палітзняволеных землякоў з Познані, што ў Польшчы. 23 ліпеня яны напісалі да кожнага палітвязня.
Лісты і паштоўкі з цёплымі словамі падтрымання паляцелі праз заходнюю мяжу да 26-ці адрасатаў. Згодна праваабарочнымі стандартамі, палітычнымі зняволенымі ў Беларусі цяпер прызнаныя менавіта 26 асобаў.
Гэта ўжо другая акцыя ліставання палітзняволеным у Познані. Сёння сабралася 15 чалавек, якія родам з розных гарадоў Беларусі.
«Прыйшоў, каб паказаць польскім уладам, што праблема ёсць, каб звярнулі ўвагу на сітуацыю ў Беларусі. А дасыланне паштовак – добры спосаб падтрымання вязняў. Мне вельмі спадабалася, усе былі мілымі і ветлівымі, дапамагалі з моваю, – кажа Енджэй Якубоўскі.
Норман Якучун таксама распавёў пра сваё стаўленне:
«Падтрымліваю Беларусь, бо людзі не мусяць быць у турме за перакананні. Падабаецца, што беларусы ў Польшчы захоўваць сувязь з радзімаю. І такія імпрэзы можа быць усё-ткі паўплываюць на сітуацыю».
Акцыі падтрымання дэмакратычных пераменаў пад час сёлетняй кампаніі праходзяць у шматлікіх краінах свету, і амаль у ва ўсіх краінах Еўропы.
ЮЦ, Belsat.eu
