Машына медычнай службы Міністэрства абароны трапіла ў аварыю.
Дзве асобы атрымалі лёгкія раненні ў выніку ДТЗ на праспекце Пераможцаў у Менску 2 чэрвеня.
Інцыдэнт здарыўся на скрыжаванні з вуліцай Нарачанскай а 9:50, паведамілі ў аддзеле агітацыі і прапаганды ўпраўлення ДАІ ГУУС Менгарвыканкаму.
Кіроўца «УАЗ» медычнай службы Мінабароны рэзка тармазіў перад святлафорам, каб не сутыкнуцца з аўтамі, якія спыніліся. Пры гэтым яму прыйшлося ўзяць улева. У выніку аўта перакулілася, зачапіўшы «Mercedes», што стаяў побач.
Пацярпелым аказаная медычная дапамога.
НМ, belsat.eu, паводле БелаПАН, фотаздымкі @a_savitski, twitter.com
