Еўрапейскія афіцыйныя асобы паведамляюць пра прынамсі чатыры сотні баевікоў ІД, падрыхтаваных для тэрактаў у Еўропе.
Паводле ацэнак экспертаў, у трэніровачных лагерах ІД прайшлі падрыхтоўку для вонкавых атакаў ад 400 да 600 чалавек. Гэтыя лагеры, імаверна, знаходзяцца не толькі на тэрыторыі Сірыі і Іраку (частка тэрыторыяў якіх кантралюецца тэрарыстамі), але і на тэрыторыі былога СССР.
Паводле словаў ананімнага прадстаўніка еўрапейскіх спецслужбаў, у лагерах баевікі навучаюцца тэхнікам сачэння і контрназірання, а таксама працы з выбуховымі прыстасаваннямі.
«Мэтай, падобна, з’яўляецца не забойства як мага большай колькасці людзей, а здзяйсненне як мага большай колькасці тэрактаў, каб вораг быў вымушаны выдаткоўваць больш грошай і людскіх рэсурсаў», – заявіла крыніца ў каментары агенцтву «Associated Press».
У лік баевікоў, паводле прадстаўніка спецслужбаў, уваходзяць мусульмане «з усёй Еўропы», у тым ліку новазвернутыя, а кіраўніцтва групамі здзяйсняюць пераважна франкамоўныя людзі, звязаныя з Паўночнай Афрыкай, Францыяй і Бельгіяй.
НМ, belsat.eu
