Ва ўзгодненай ўладамі акцыі «Отпускай!» у падтрыманне фігурантаў «маскоўскай справы» і ўсіх палітвязняў прыняў удзел рэпер FACE. З якімі патрабаваннямі ён прыйшоў і што, на яго думку, аб’ядноўвае Расею і Беларусь, глядзіце і чытайце ў каментары музыкі «Белсату».
FACE пагадзіўся пагаварыць толькі пасля таго, як пачуў, што задаваць пытанні будуць журналісты беларускага тэлеканала.
– Чаму вы сюды прыйшлі, з якімі патрабаваннямі, чаму вам гэтая тэма стала блізкая?
– Зачыніць «маскоўскую справу». Тэма блізкая, таму што з кожным можа здарыцца такое дзярмо. Не хачу, каб такое здарылася з кімсьці.
– Такое, як вы сказалі «дзярмо», адбываецца таксама ў Беларусі. Як вы думаеце, гэта тое, што нашы краіны як раз аб’ядноўвае?
– Так, зразумела, гэта, так бы мовіць, «і ў радасці, і ў горы».
– Што можа быць проціяддзем ад гэтага?
– Здаровы сэнс. Гэта можа адбывацца толькі нейкім арганічным, натуральным шляхам, мусіць час праходзіць, людзі мусяць разумнець. Не ўсё так проста.