Еўрапейская камісія прыняла рашэнне аб выдзяленні пакета дапамогі памерам 24 мільёнаў еўра. Падрабязнасці сёння былі апублікаваныя на старонцы органу.
Еўрапейская камісія вылучыць беларусам фінансавую дапамогу, якая мусіць прынесці наўпроставую карысць беларускаму народу, у прыватнасці грамадзянскай супольнасці, моладзі, малым і сярэднім прадпрыемствам, а таксама палепшыць магчымасці аховы здароўя.
Камісар у пытаннях палітыкі суседства і пашырэння Олівэр Вархэі сказаў:
«Велізарная мужнасць беларускага народа, мірна мабілізаванага на абарону сваіх дэмакратычных правоў і правоў чалавека, з’яўляецца крыніцай натхнення для ўсіх нас. Гэтым толькі што прынятым пакетам падтрымкі ЕЗ дае зразумець, што стаіць на баку народа Беларусі і выконвае ўзятыя на сябе абавязкі ўзмацняць падтрыманне грамадзянскай супольнасці. Мы таксама гатовыя падтрымаць дэмакратычны і мірны пераход у краіне ўсімі наяўнымі ў нашым распараджэнні інструментамі».
Новая праграма дапамогі «EU4Belarus: салідарнасць з народам Беларусі» сканцэнтруецца ў чатырох ключавых галінах:
Гэтая праграма ёсць часткаю пакету падтрымання на суму 53 мільёны еўра, пра які ў жніўні абвесціла старшыня Еўрапейскай камісіі Урзуля фон дэр Ляен, і ўлучае ў сябе надзвычайную дапамогу ЕЗ памерам 3,7 мільёна еўраў, неадкладна выдзеленую для ахвяр рэпрэсіяў і для незалежных СМІ пасля прэзідэнцкіх выбараў у Беларусі, якія адбыліся ў жніўні. Таксама вядзецца падрыхтоўка да вылучэння далейшай дапамогі, на суму 6 мільёнаў еўраў, для палягчэння доступу малых і сярэдніх прадпрыемстваў да фінансавання.
Нагадаем, што пасля нелегітымных выбараў прэзідэнта і жорсткай рэакцыі ўладаў Рада ЕЗ абвясціла пра перагляд адносінаў Еўразвяза з Беларуссю, у тым ліку пра скарачэнне двухбаковага супрацоўніцтв на цэнтральным узроўні ды ўзмацненне падтрымкі ЕЗ беларускаму народу і грамадзянскай супольнасці.
Прыняцце сёння пакета дапамогі – выкананне часткі абавязкаў ЕЗ у павелічэнні і перанакіраванне падтрымкі грамадзянскай супольнасці ў Беларусі.
АД belsat.eu