Суд прызнаў вінаватым ва ўсіх інкрымінаваных злачынствах былога дырэктара магілёўскай фабрыкі Максіма Шнэка.
Адпаведны 24 сакавіка прысуд вынес суддзя Ленінскага раёну Магілёва Ігар Шведаў.
Максіма Шнэка абвінавачвалі ў нанясенні шкоды прадпрыемству больш чым на 2,5 млрд рублёў (прыкладна $ 120 тыс. паводле актуальнага курсу). Яму інкрымінавалі злоўжыванне ўладай і службовай пасадай, шматлікія крадзяжы, выманьванне крэдыту і службовую падробку.
Шнэк прызнаў сябе вінаватым толькі ў службовай падробцы, патлумачыўшы ўпрыгожванне статыстычных дадзеных жаданнем захаваць прадпрыемства.
Абвінавачанне прасіла прысудзіць былога дырэктара прадпрыемства да 12 гадоў калоніі ўзмоцненага рэжыму. У той час як адвакаты Максіма Шнэка прасілі суд апраўдаць іх падабароннага па ўсіх артыкулах, краму арт. 427 Крымінальнага кодэксу (Службовая падробка).
Максім Шнэк мае намер абскардзіць вырак.
НМ, belsat.eu, паводле БелаПАН/Tut.by
