7 студзеня ў Магілёве ў Пячэрскім лесапарку адсвяткавалі Каляды. Галоўны гвозд праграмы – бясплатная раздача гарачых страваў. У папярэднія гады магілёўцаў частавалі выключна юшкай, а цяпер прапанавалі яшчэ боршч, салянку і грыбны суп.
Бясплатны пачастунак для жыхароў гораду гатавалі калектывы дзяржаўных устаноў і прадпрыемстваў. Сярод удзельнікаў былі каманды ад сярэдняй школы № 13, упраўлення камунальных прадпрыемстваў, Магілёўскага ўніверсітэту харчавання, кампаніі «Дамачай» і іншых.
Акрамя духмянага супу наведнікі свята маглі пакаштаваць і гарачы збіцень. Праўда, бясплатна гэты напой налівалі толькі тым, хто браў удзел у розных конкурсах і забавах.
Вольга Васільева, фота аўтара/belsat.eu