Міністэрства антыманапольнага рэгулявання і гандлю вызначыла тарыфы на паслугі па транспартаванню расейскай нафты па беларускіх магістральных трубаправодах.
У прэс-рэлізе ведамства адзначыла, што вызначэнне тарыфаў ажыццяўляецца ў строгай адпаведнасці з двухбаковымі пагадненнямі Беларусі і Расеі. Перагляд тарыфаў мае планавы характар і адбываецца штогод, паведамляе mart.gov.by.
Тарыфы змяняюцца з улікам сярэднегадавога індэкса спажывецкіх цэн, вызначанага параметрамі прагнозу сацыяльна-эканамічнага развіцця Расеі (на 2019 год – 4,6 %), павялічанага на 3 %.
Такім чынам, на 2019 год тарыфы на паслугі па транспартаванню нафты па беларускіх магістральных трубаправодах праіндэксаваныя на 7,6 %.
ЮВ, belsat.eu