Аператару Івану Куракевічу, які супрацоўнічае з «Белсатам», далі 15 содняў арышту нібыта за ўдзел у масавым мерапрыемстве.
Іван Куракевіч.
Фота: Facebook
Разам з журналісткай Любоўю Лунёвай яго затрымалі на плошчы Якуба Коласа ў Менску на маршы пенсіянераў 7 снежня. Яны павінны былі зрабіць рэпартаж адтуль. Але амаль адразу журналістаў затрымалі.
Любоў Лунёва была шпіталізаваная з Акрэсціна ў кардыялогію.
Сёння за кратамі таксама застаюцца журналісты «Белсату» Кацярына Андрэева і Дар’я Чульцова (іх затрымалі за стрым з плошчы Пераменаў, супраць іх завялі крымінальную справу), а таксама палітычны аглядальнік, муж Кацярыны Андрэевай Ігар Ільяш.
belsat.eu
