6 лютага амбасада Вялікай Брытаніі пры ўдзеле выдавецтва «Янушкевіч» зладзіла незвычайнае свята – Ноч Гары Потэра ў Менску.
У свеце Гары Потэра фотаздымкі маглі рухацца. Карэспандэнтка «Белсату» з дапамогай чарадзейнай палачкі і камеры зрабіла жывыя фотаздымкі са свята.
Нядаўна выдавецтва «Янушкевіч» пераклала першы раман пра Гары Потэра, «Гары Потэр і філасофскі камень», на беларускую мову. На імпрэзе сам Андрэй Янушкевіч прадаваў кнігі.
Усе хацелі зрабіць здымак з амбасадаркаю Вялікай Брытаніі, Джаклін Пэркінз. Яна была ў касцюме прафесаркі МакГонагал.
Госці маглі паспрабаваць сябе ў гульні ў гіганцкія шахматы, прыгатаванні чарадзейнага зелля і палётах на мятле.
Самая вялікая чарга выстраілася па сметанковае піва.
Капялюш, які ажыццяўляе размеркаванне, адправіў дзяўчыну ў Грыфіндор.
Міністр магii – вядоўца Аляксей Сапрыкін.
Рыта Скітэр, журналістка з чароўнага свету Гары Потэра.
У конкурсе касцюмаў удзельнічалі пераважна хлопчыкі ў акулярах. Было некалькі пераможцаў і шмат падарункаў.
Ірына Арахоўская belsat.eu