Хімкінскі суд Маскоўскай вобласці пастанавіў арыштаваць расейскага палітыка Аляксея Навальнага на 30 дзён, да 15 лютага. Пра гэта паведаміў адвакат апазіцыйнага палітыка Вадзім Кобзеў.
Аляксей Навальны, якога затрымалі пасля прылёту з Берліну ў Маскву, застанецца за кратамі да 15 лютага. Сёння Хімкінскі суд Маскоўскай вобласці, паседжанне якога адбывалася проста ў Хімкінскім аддзеле паліцыі, пакараў палітыка 30-дзённым арыштам.
Аляксея Навальнага затрымалі, паколькі ён у вышуку за «шматразовыя парушэнні выпрабавальнага тэрміну». Акрамя таго, Следчы камітэт Расеі распачаў у дачыненні Навальнага крымінальная справу аб махлярстве ў асабліва буйным памеры.
Са жніўня палітык быў на лячэнні ў Нямеччыне пасля атручвання рэчывам з групы «Навічок». Па вяртанні ў Маскву палітыка затрымалі проста ў аэрапорце.
СК belsat.eu
