На нарадзе 10 чэрвеня па актуальных грамадска-палітычных пытаннях кіраўнік краіны даручыў праверыць, чаму прыватныя кампаніі звальнялі людзей у апошнія месяцы. Аб гэтым паведамляе ягоная прэс-служба.
Аляксандр Лукашэнка даручыў праверыць прыватныя кампаніі і высветліць: па якіх прычынах адтуль звальнялі людзей у апошнія месяцы.
«У апошні час, упэўнены і вам так жа, як і мне, паступаюць скаргі ад людзей наконт хады так званай гэтай выбарчай кампаніі. Што мяне асабліва абурае – у Менску, іншых гарадах (гэта ўласціва да гарадоў) прыватныя кампаніі звальняюць людзей… Мала таго, звальняюць людзей – тых, хто не аддаў подпіс за так званых альтэрнатыўных кандыдатаў: ты там за Пятрова, Сідарава не распісаўся – сыходзь», – адзначыў Лукашэнка.
Кіраўнік краіны падкрэсліў, што калі кампаніі хочуць спакойна працаваць у Беларусі, то яны мусяць аднавіць звольненых людзей і выплаціць тым грошы.
Раней Лукашэнка гаварыў, што прадпрыемствы, якія маюць фінансавыя складанасці праз пандэмію, мусяць «круціцца».
КТ belsat.eu