Плануецца, што агароджа вышынёй 5,5 метраў будзе абсталяваная датчыкамі руху і сістэмай маніторынгу. Яна павінна адгарадзіць прыкладна палову польска-беларускай мяжы – працягласць складае каля 400 км, паведамляе «Еўрарадыё».
Урад плануе пабудаваць сцяну да лета 2022 году і выдаткаваць на праект € 353 млн. Пасля зацвярджэння парламентам закон аб будаўніцтве павінен падпісаць прэзідэнт Польшчы Анджэй Дуда. Праваабаронцы крытыкуюць ідэю будаўніцтва сцяны і настойваюць, што яна не зможа вырашыць праблему прытоку мігрантаў у Польшчу.
Літва распачала будаўніцтва плоту вышынёй 4 метры на мяжы з Беларуссю. Літоўская агароджа двухэлементная і складаецца з пірамідаў з калючага дроту – канцэрціны і плоту са спіральным дротам. Цалкам агарадзіць мяжу з Беларуссю плануецца да 1 верасня 2022 году.
ГГ, belsat.eu