Міністэрства антыманапольнага рэгулявання апублікавала 30 чэрвеня на Нацыянальным прававым інтэрнэт-партале сваю пастанову № 40 ад 16 чэрвеня, якая рэгулюе тарыфы на білеты на цягнікі гарадскіх, рэгіянальных і міжрэгіянальных лініяў.
Цягнік едзе праз станцыю Менск-Усходні. Менск, Беларусь. 27 траўня 2022 года.
Фота: Белсат
Дакумент павялічвае тарыфы на перавоз пасажыраў, багажу і грузаў чыгункаю.
У параўнанні з дзейнымі коштамі цяпер тарыф за адну зону праезду рэгіянальнымі лініямі эканом-класу стане даражэйшым на 20,7 % – цана вырасце з 29 капеек да 35 капеек за адну зону праезду або з 2,9 капейкі да 3,5 капейкі за адзін кіламетр.
Перавоз пасажыраў на гарадскіх лініях падаражэе ў залежнасці ад тарыфных паясоў на суму ад 29 да 74 капеек.
Цалкам з новымі тарыфамі можна азнаёміцца тут.
Дакумент набывае моц 6 ліпеня.
Якуб Хруст belsat.eu
