Падчас паседжання Выканаўчай Рады Еўрапейскага трансляцыйнага звязу (EBU) прагучала, што «Белтэлерадыёкампанія» больш не з’яўляецца сябрам арганізацыі, паведамляе TUT.by.
Яшчэ 28 траўня EBU прыпыніў сяброўства «Белтэлерадыёкампаніі» ў арганізацыі. Падставаю для такога рашэння сталі відэа ад сілавікоў, у якіх грамадзяне краіны давалі «паказанні». У арганізацыі палічылі, што запісы зробленыя «пад прымусам». Паводле медыяў, ад сёння «Белтэлерадыёкампанію» выключылі з Еўрапейскага трансляцыйнага звязу (EBU).
З 1 ліпеня БТРК не будзе мець доступу да паслугаў EBU. Гэта значыць, што дзяржаўная тэлекампанія страціць права на трансляцыю пэўных музычных і спартыўных мерапрыемстваў, не зможа мець доступу да абмену навінамі і музычным кантэнтам.
Па інфармацыі «Белсат», пакуль што пра поўнае выключэнне «Белтэлерадыёкампаніі» размовы не вядзецца, справа яшчэ не вырашаная.
СК belsat.eu
