Расейскія войскі 30 траўня абстралялі эвакуацыйны транспарт у Луганскай вобласці, які ехаў забіраць людзей. У машыне знаходзіўся і французскі журналіст, які ў выніку ранення загінуў.
Пра гэта паведаміў кіраўнік абласной адміністрацыі Сяргей Гайдай.
Сяргей Гайдай распавёў, што браніраваны эвакуацыйны транспарт ехаў забіраць 10 чалавек з вобласці і патрапіў пад варожы абстрэл. Аскепкі снарадаў прабілі браню машыны, смяротна ранілі ў шыю акрэдытаванага французскага журналіста, які рабіў матэрыял аб эвакуацыі.
Імя загінулага французскага журналіста – Фрэдэрык Леклер. Ён працаваў на тэлеканале «BFMTV», паведамляе ўкраінскі тэлеграм-канал «Политика Страны».
Патрульнага паліцыянта, які таксама знаходзіўся ў машыне, выратавала каска.
З-за абстрэлу эвакуацыя афіцыйна спынена, дадаў кіраўнік абласной адміністрацыі.
Алена Рувіна belsat.eu