Улады Горадні дазволілі вывозіць «забароненыя» прадукты харчавання ў Польшчу і Літву без абмежаванняў
Гарадзенскі аблвыканкам 26 красавіка прыняў рашэнне № 210, у якім дазволіў вывозіць прадукты харчавання за мяжу без абмежаванняў.
Раней такое ж рашэнне прыняў Віцебскі аблвыканкам.
Аднак у адрозненне ад Віцебскага аблвыканкаму, Гарадзенскі аблвыканкам дазволіў вывозіць прадукты харчавання без абмежаванняў не толькі ў выходныя дні і святы, а ўва ўсе дні дзеяння бязвізавага рэжыму да 16 траўня. Рашэнне дзее толькі для фізічных асобаў, якія вывозяць тавары для асабістага карыстання.
Раней пастанова Саўміну № 224 ад 12 красавіка ўвяла абмежаванні на вываз з Беларусі асобных відаў харчовых тавараў. Паводле гэтай пастановы, вывозіць за межы ЕАЭС можна:
- мукі (грачанай, пшанічнай) і асобных відаў крупаў (грачаных, рысавых, манных, аўсяных, аўсяных шматкоў, проса) – да 1 кг;
- макаронных вырабаў – да 1 кг;
- цукру, солі – да 1 кг;
- алею – да 1 літра;
- кансерваў мясных, малочных і рыбных (за выняткам кансерваў для дзіцячага харчавання) – да 3 слоікаў ці бляшанак.
Урад прадугледзеў магчымасць аблвыканкамам прымаць пастановы аб вывазе гэтых прадуктаў без абмежаванняў.
АД belsat.eu
