Дзве сотні няпоўнагадовых беларусаў застаюцца ў месцах пазбаўлення волі. Пра гэта БелТА паведаміў прадстаўнік Дэпартаменту выканання пакаранняў Міністэрства ўнутраных справаў Беларусі Аляксандр Кралько.
Паводле Кралька, цяпер амаль 200 падлеткаў застаюцца ў месцах пазбаўлення волі. Артыкулаў, паводле якіх асуджаныя няпоўнагадовыя, ён не назваў, але адзначыў, што з улікам наркатычных артыкулаў колькасць зняволеных дзяўчат вырасла ўдвая:
«На сёння каля 50 % тых, хто адбывае пакаранне ў дзіцячай калоніі, сустрэлі сваё паўналецце ў месцах пазбаўлення волі. Паводле заканадаўства, яны могуць працягваць адбываць пакаранне ў дзіцячай калоніі».
Хлопцы адбываюць пакаранне ў Бабруйску, дзяўчаты – у Гомлі.
Паводле праваабаронцаў, у 2022 годзе ў выхаваўчых калоніях адбывалі пакаранне 6 палітычных вязняў.
Якуб Хруст belsat.eu