На Кастрычніцкай плошчы ў Менску сабаку і яго гаспадара, ударыла электрычным токам. Мужчына і яго гадаванец пацярпелі ад навагодняй ілюмінацыі, піша Оnliner.
Інцыдэнт адбыўся 25 снежня на Кастрычніцкай плошчы ў сталіцы. Сабака зайшоў пад усталяваныя на плошчы светлавыя аркі і паваліўся, пачаў скавытаць, абкусаў сабе лапы і язык. Гаспадар адцягнуў гадаванца, але і яго таксама ўдарыла токам.
Муж і жонка звярнуліся ў міліцыю з апісаннем сітуацыі і просьбай прыцягнуць да адказнасці асобу, адказную за бяспечную эксплуатацыю святочнай ілюмінацыі. Але міліцыянты пакуль так і не адрэагавалі на заяву.
Адказная за ўпрыгожванне з’яўляецца «Менскрэклама».
«Усе непаладкі ліквідаваныя, аркі працуюць, людзі могуць гуляць на плошчы і не баяцца за сваё здароўе. Цяпер мы разбіраемся ў гэтай сітуацыі, зрабілі запыт у «Менгарсвятло», хутка нам павінны даць інфармацыю. Але пакуль канчатковых вынікаў праверкі няма», – растлумачылі ў арганізацыі.
СК belsat.eu