28 кастрычніка генеральны дырэктар Facebook Марк Цукерберг заявіў, што кампанія будзе пераназваная ў Meta. Новая назва падкрэслівае амбіцыі пабудаваць з буйнейшай у свеце сацыяльнай сеткі «метасусвет».
Марк Цукерберг падчас выступу на канферэнцыі па віртуальнай і дапоўненай рэальнасці, распавёў, што новая назва адлюстроўвае арыентацыю на стварэнне новага віртуальнага свету, а не на змену назвы аднайменнай сацыяльнай сеткі. Facebook, Instagram і WhatsApp застануцца пад сваімі звыклымі для карыстальнікаў назвамі.
«Цяпер наш брэнд настолькі шчыльна звязаны з адным прадуктам, што не можа адлюстроўваць усё, што мы робім сёння, не кажучы ўжо пра будучыню», – сказаў заснавальнік Фэйсбуку, і падкрэсліў, што з часам карыстальнікам ужо не спатрэбіцца Фэйсбук для карыстання іншымі сэрвісамі кампаніі.
Тэрмін «метасусвет» мае ў сваёй аснове ідэю агульнага віртуальнага асяродку, да якога могуць падлучыцца людзі, якія карыстаюцца рознымі прыладамі. «Метасусвет» называюць будучыняй інтэрнэту.
Лагатыпам кампаніі Meta будзе блакітны знак бясконцасці.
ГГ, belsat.eu
