У Беларусь з Расеі 28 траўня прыбыў камплект зенітнага ракетнага комплексу С-400 і найбліжэйшым часам заступіць на баявое дзяжурства, паведамляе прэс-служба Мінабароны Беларусі. Раней беларускія зенітчыкі прайшлі ў РФ поўны курс падрыхтоўкі да баявога выкарыстання сістэмы.
Пастаўка ажыццяўлялася ў рамках ваеннага і ваенна-тэхнічнага супрацоўніцтва паміж Беларуссю и Расеяй.
«Ваеннаслужачыя гатовы прымяніць свае веды і ўменні на практыцы для забеспячэння ваеннай бяспекі Беларусі і Саюзнай дзяржавы ў цэлым. У Беларусі працягваецца рэалізацыя мер па нарошчванні баявога патэнцыялу рэгіянальнай групоўкі войскаў (сіл), у тым ліку аснашчэнне злучэнняў і воінскіх часцей Узброеных Сіл новымі сучаснымі ўзорамі ўзбраення», – гаворыцца ў паведамленні ведамства.
ЗРК прыбылі ў нашу краіну ў складзе чыгуначнага эшалона, у бліжэйшы час яны заступяць на баявое дзяжурства.
Па словах камандуючага ВПС і войскамі СПА Андрэя Лук’яновіча, беларускія спецыялісты на палігоне ў Расеі выканалі ўсе пастаўленыя задачы па навучанні, удасканаленні і баявому выкарыстанню комплексу.
Алена Рувіна belsat.eu
