Насельніцтва Беларусі на пачатак 2023 года склала 9 200 617 чалавек, паводле новай статыстыкі Белстату. Такім чынам за год насельніцтва краіны паменшылася на 54 907 чалавек.
Згодна са статыстыкай, усяго за тры гады Беларусь страціла больш за 200 тысяч чалавек насельніцтва. У 2022-м годзе колькасць жыхароў краіны зменшылася на амаль 55 тысяч чалавек, у 2021-м на 94,1 тысяч, а ў 2020-м – на 60,6 тысяч чалавек.
Гарадское насельніцтва на 1 студзеня 2023 года склала 7,212 млн чалавек і зменшылася на 19,69 тысяч чалавек у параўнанні з мінулым годам. Сельскае насельніцтва скарацілася на 35,2 тысяч чалавек і склала 1, 988 млн чалавек.
У вобласцях і абласных цэнтрах насельніцтва на пачатак года было наступным:
Трэба адзначыць, што ў Гарадзенскай і Магілёўскай вобласцях на пачатак мінулага года насельніцтва перавышала 1 млн чалавек.
Насельніцтва Менску на пачатак года склала 1 995 471 чалавек і за год зменшылася крыху больш, чым на тысячу чалавек. Насельніцтва Берасця склала 342 461 чалавек, Віцебску – 359 148 чалавек, Гомля – 501 802 чалавекі, Горадні – 358 717 чалавек, Магілёва – 353 338 чалавек.
Алена Рувіна belsat.eu