У Мінэнерга паведамілі, што на БелАЭС завершаны работы па загрузцы ядзернага паліва ў актыўную зону рэактара другога энергаблока.
Паведамляецца, што ў рэактар загружаны 163 цеплавыдзяляльныя зборкі са свежым ядзерным палівам. Загрузка ядравага паліва ў другі рэактар пачалася 21 снежня.
Далей перад фізічным пускам блока будуць выкананы работы па зборцы і ўшчыльненні рэактара з правядзеннем гідраўлічных выпрабаванняў, пераводу рэактарнай устаноўкі ў гарачы стан і яе вывад на мінімальна-кантралюемы ўзровень магутнасці.
Раней паведамлялася, што другі энергаблок станцыі будзе запушчаны ўлетку 2022 года.
АД, belsat.eu