У Бароўскім раёне Харкаўскай вобласці знойдзена масавае пахаванне. Паводле папярэдніх звестак, у магіле пахаваныя не менш за 17 чалавек – цывільных і вайскоўцаў ЗСУ. Пра гэта паведаміла прэс-служба Нацпаліцыі Украіны.
Аб масавым пахаванні паведамілі жыхары вёскі Капанка. Жыхары распавялі следству, што расейскія вайскоўцы збіралі целы загінулых па ўсёй акрузе. 13 красавіка іх прывезлі на двух грузавіках, экскаватарам вырылі яму глыбінёй да 3 метраў, скінулі туды целы загінулых. Пасля месца пахавання зараўнялі танкамі.
Расейскія вайскоўцы не паставілі ніводнай пазнакі на магіле і не далі гэта зрабіць мясцовым. Толькі на Вялікдзень дазволілі людзям прыйсці на пахаванне. Пазней людзі знайшлі тры крыжы і пазначылі перыметр агульнай магілы.
Знойдзеныя целы будуць накіраваныя на судова-медычную экспертызу. Спецыялісты працягваюць працаваць на месцы. Следчыя адкрылі крымінальную вытворчасць паводле ч. 3 арт. 110 Крымінальнага кодэксу Украіны («Замах на тэрытарыяльную цэласнасць і недатыкальнасць Украіны»).
Па меры таго, як украінскія вайскоўцы адваёўваюць назад сваё тэрыторыі, на іх знаходзяць новыя масавыя пахаванні, зробленыя расейскімі вайскоўцамі.
Алена Рувіна belsat.eu
