Журналіста і аператара з Гомля Андрэя Толчына затрымалі на 72 гадзіны, паведамляе тэлеграм-канал «Гомельская вясна».
Цяпер спадар Андрэй у ІЧУ. Прычыны затрымання пакуль невядомыя.
Журналіст ужо неаднаразова затрымліваўся за прафесійную дзейнасць.
Так, 11 верасня 2020 года яго затрымалі каля ягонага дому. У той жа дзень у Гомлі былі затрыманыя паўдзясятка грамадскіх актывістаў, сярод затрыманых была і журналістка Ларыса Шчыракова.
Таксама ён быў брутальна затрыманы 24 чэрвеня 2021 года ў Гомлі, калі рабіў здымкі пад СІЗА № 3 падчас суда над Міколам Статкевічам, Сяргеем Ціханоўскім, Ігарам Лосікам і іншымі. Тады ў яго забралі ўсё абсталяванне, а сам журналіст правёў дзень у пастарунку, на яго склалі адміністратыўны пратакол за парушэнне заканадаўства аб СМІ (арт. 23.5 КаАП).
Раман Шавель belsat.eu
