У Расеі ўначы адбыўся дэфолт суверэннага доўгу ў замежнай валюце праз уведзеныя санкцыі, якія зрабілі немагчымымі плацяжы замежным крэдыторам, паведамляе агенцтва «Bloomberg». У нядзелю скончыўся ільготны перыяд купонаў еўрабондаў. Міністр фінансаў Расеі назваў абвяшчэнне дэфолту фарсам.
На працягу месяцаў РФ знаходзіла шляхі абыходу санкцыяў, уведзеных пасля ўварвання ва Украіну. Але ў канцы нядзелі скончыўся ільготны перыяд для выплаты адсоткаў памерам 100 мільёнаў долараў ЗША да 27 траўня, што лічыцца дэфолтам у выпадку пропуску плацяжу.
Як піша выданне «Bloomberg», гэта прыкмета таго, што краіна ператвараецца ў «эканамічнага, фінансавага і палітычнага ізгоя».
З пачатку сакавіка валютныя рэзервы Цэнтральнага банку РФ застаюцца замарожаныя, а найбуйнейшыя банкі адарваныя ад сусветнай сістэмы. Улічваючы шкоду, якую санкцыі ўжо нанеслі расейскай эканоміцы і рынкам, дэфолт, хутчэй, сімвалічны.
Расея афіцыйна адмовілася прызнаваць дэфолт, зрабіўшы заяву, што мае сродкі пакрыць запазычанасці, але не мае магчымасці зрабіць аплаты.
Нагадаем, што на мінулым тыдні Расея абвесціла, што збіраецца перайсці на абслугоўванне свайго непагашанага суверэннага доўгу 40 мільярдаў долараў у расейскіх рублях, крытыкуючы форс-мажорную сітуацыю, якую, на меркаванне Крамля, штучна стварыў Захад.
Раман Лугоўскі belsat.eu