Прэзідэнт Малдовы: «Мы павінны мадэрнізаваць узброеныя сілы, бо краіна засталася амаль без абароны»

Прэзідэнт Малдовы Мая Санду прыняла сёння ўдзел ва ўрачыстасцях з нагоды Дню дзяржаўнага сцягу краіны. Палітык адзначыла, што краіна павінна прыкласці ўсе намаганні для стварэння прафесійнай і сучаснай арміі з-за выклікаў вайны, – паведамляе Newsmaker.

July 16, 2019 – Berlin, Berlin, Germany – German Chancellor Angela Merkel meets the Prime Minister of Moldova Maia Sandu at the federal chancellery in Berlin, Germany, July 16, 2019. PM Sndu was welcomed by her German counterpart with military honors, followed with bilateral talks and a closing press conference.,Image: 459148653, License: Rights-managed, Restrictions: , Model Release: no, Credit line: Omer Messinger / Zuma Press / Forum

Выданне адзначае, што прэзідэнт Малдовы прызнала, што працяглы час абарончаму сектару краіны фактычна ніхто не надаваў належнай увагі. З гэтай прычыны краіна засталася фактычна без ваеннай абароны.

«Наша армія засталася без сучаснай вайсковай тэхнікі. І цяпер мы востра адчуваем наступствы памылак мінулага», – дадала яна.

Кіраўнік дзяржавы падкрэсліла, што Малдова павінна прыкласці ўсе намаганні для стварэння прафесійнага і сучаснага войска.

Мая Санду адзначыла, што вайсковы канфлікт ва Украіне змяніў стаўленне ў краіне да войска. «Цяпер калі на мяжы ідзе вайна, мы цудоўна разумеем, што маем патрэбу ў інвестыцыях у войска. Гэта важна для дзяржавы, інфраструктуры, бяспекі. Малдова павінна пераняць вопыт іншых нейтральных дзяржаў па ўмацаванню ўзброеных сілаў», – дадала прэзідэнт.

Нагадаем, што 25 красавіка ў Тыраспалі адбыліся выбухі каля будынку галоўнага офісу службы дзяржаўнай бяспекі, а зранку 26-га стала вядома пра падрыў дзвюх антэнаў прыднястроўскага радыётэлецэнтру «Маяк», якія рэтранслявалі радыё з Расеі. У непрызнанай ПМР абвешчаны чырвоны ўзровень тэрарыстычнай небяспекі.

ЗХ belsat.eu