Расейскі савет па міжнародных справах прааналізаваў прымяненне замежных санкцый у свеце. Беларусь у спісе краін-мэтаў санкцый – паміж Сірыяй і Паўночнай Карэяй, – паведамляе сайт беларускіх даследаванняў thinktanks.by.
У пачатку 2020 года Расейскі савет па міжнародных справах запусціў працу над новай базай дадзеных падзей у галіне палітыкі санкцый – «База санкцыйных падзей». Адзінкай аналізу з’яўляецца асобная падзея ў галіне санкцый. У іх ліку: увядзенне санкцыяў, іх адмена або падаўжэнне; выкарыстанне прымусовых мер; прадастаўленне выключэнняў з рэжымаў санкцый, у тым ліку гуманітарных; дэкларацыі аб неабходнасці выкарыстоўваць санкцыі ці ж іх адмены; далучэнне да рэжымаў санкцый іншых краін і іншае.
За перыяд з 5 студзеня 2020 года па 10 студзеня 2021 года было зафіксавана 850 санкцыйных падзей. Сюды ўваходзяць як санкцыі супраць Расеі і расейскіх асобаў, так і абмежаванні супраць іншых краін, іх фізічных і юрыдычных асоб.
Вось Топ-10 краін па колькасці накіраваных санкцый:
Паводле расейскага даследавання, ЗША з’яўляюцца найбольш актыўным ініцыятарам санкцыйных падзей. На іх прыпадае 52,8% эпізодаў.
Еўрапейскі звяз таксама можна лічыць актыўным ініцыятарам санкцыяў. На яго прыходзіцца 12,94% эпізодаў. Аднак у гэты лік не ўваходзяць падзеі, звязаныя з дзеяннямі асобных дзяржаў-членаў ЕЗ.
АД, belsat.eu