26 снежня стала вядома, што сілавікі правялі шэраг затрыманняў у Баранавічах. Усе яны звязаныя з пратэстамі 2020 года.
Здымак мае ілюстрацыйны характар. Падчас пратэстаў у Баранавічах у 2020 годзе.
Фота: Наша Ніва
Вядома пра як мінімум васьмярых затрыманых. На «пакаяльных відэа» яны кажуць, што выходзілі на вуліцы ў першыя дні паслявыбарчых пратэстаў 2020 года.
Сілавікі ўставілі ў відэа нарэзку з кадрамі пратэстаў, на якіх, верагодна, ёсць некаторыя з затрыманых.
Усе затрыманыя – мужчыны рознага веку. Іхныя прозвішчы не вядомыя. Таксама не вядома, у чым іх вінавацяць.
Раман Шавель belsat.eu
