Масавыя звальненні закранулі Нацыянальны мастацкі музей Беларусі. Паводле інфармацыі выдання «Зеркало», страцілі працу адразу 18 асобаў.
23 снежня сёлета кіраўніцтва Нацыянальнага мастацкага музею пастанавіла звольніць з установы адразу 18 асобаў. Прычынаю масавага звальнення можа быць публікацыя абразлівай нататкі пра намесніцу дырэктара музею ў навуковай і асветніцкай працы Святлану Анейку і кіраўніцу аддзелу беларускага мастацтва ХХ–ХХI стагоддзяў Кацярыну Ізафатаву ў прапагандысцкіх рэсурсах.
Вядома, што ў выніку звальненняў генеральны дырэктар музею Уладзімір Пракапцоў застаўся без намеснікаў.
Алена Аляксандрава belsat.eu