У ноч на 26 верасня каля 4:00 у касцёле спрацавала пажарная сігналізацыя, паведамілі ў прэс-службе МНС.
Ратавальнікі, якія прыбылі на месца, пагасілі ўзгаранне. Як высветлілася пазней, у будынку загарэлася электраправодка. У выніку здарэння пашкоджаная маёмасць на плошчы каля 20 кв. м. Пацярпелых няма.
На гэты момант касцёл зачынены і апячатаны да высвятлення ўсіх абставінаў інцыдэнту.
Касцёл Святога Сымона і Святой Алены, які таксама называюць Чырвоным касцёлам, – найбольш вядомая каталіцкая святыня Менску. Касцёл неаднаразова часова прымаў у сваіх сценах пратэстоўцаў, якіх пераследавалі сілавікі. Падчас пратэстаў у 2020 годзе каля яго праводзіліся акцыі, а ў самым касцёле адбываліся дабрачынныя канцэрты «Малітвы Беларусі».
Алена Рувіна belsat.eu
