Ва Украіне нарэшце пахавалі Віталя Шышова, былога кіраўніка Беларускага дома ва Ўкраіне. Яго знайшлі павешаным у кіеўскім парку на пачатку жніўня.
З моманту смерці Шышова прайшло 55 дзён.
Пракуратура дазволіла родным забраць цела Віталя Шышова толькі 24 верасня, амаль праз два месяца пасля смерці.
Праваахоўныя органы разглядалі версіі самагубства і забойства, але вынікі экспертызы невядомыя. Адвакат мае падпіску аб неразгалошванні.
На пахаванні прысутнічалі толькі самыя блізкія людзі Віталя, гэта было сумесным рашэнне. Тых, хто хацеў ушанаваць памяць Віталя запрасілі правесці акцыю на Майдане ў Кіеве. У наступную нядзелю плануецца адкрытая памінальная служба па Віталю.
АД, belsat.eu