Найміты з ПВК Вагнэр сустрэліся з дзецьмі з ваенна-патрыятычнага клуба «Рысь». Сустрэчу ініцыяваў намеснік міністра ўнутраных справаў Мікалай Карпянкоў. Кадры з сустрэчы апублікавалі беларускія прапагандысты.
Найміты ПВК Вагнэр пагутарылі з дзецьмі з ваенна-патрыятычнага клуба «Рысь».
«Гэта вам не Мэры Попінс – нашы дзеці выбіраюць сабе правільныя цацкі і правільных настаўнікаў», – такім чынам падпісала кадры сустрэчы дзяцей з наймітамі прапагандыстка Лебедзева.
Ваенна-патрыятычны клуб «Рысь» узнік з ініцыятывы Мікалая Карпянкова, на базе вайсковай часткі 3214 у Менску ў 2021 годзе. У праграме страявая і фізічная падрыхтоўка, рукапашны бой, агнявая і медычная падрыхтоўка, ідэалагічнае выхаванне.
На сустрэчы з вагнэраўцамі ў кадры і сам Карпянкоў, якія падштурхоўваў дзяцей да наймітаў.
Мікалай Каткоў belsat.eu