Міністэрства ўнутраных справаў і адміністрацыі Польшчы прапаноўвае спыніць рух грузавікоў з таварамі з беларускай і расейскай рэгістрацыяй праз мяжу. Абмежаванне тлумачыцца «пытаннямі забеспячэння грамадскай бяспекі». Пастанова дакументу пакуль не падпісаная міністрам.
Польшча мае намер прыпыніць грузавы рух праз мяжу з Беларуссю для грузавых аўтамабіляў, цягачоў, прычэпаў, у тым ліку паўпрычэпаў і аўтапаяздоў, зарэгістраваных на тэрыторыі Беларусі, або Расеі. Адпаведная пастанова падрыхтаваная, але пакуль не падпісная Міністрам унутраных справаў і адміністрацыі Польшчы. Захада, паводле ведамства, абумоўленая «пытаннямі забеспячэння грамадскай бяспекі».
Пастанова набудзе моц на наступны дзень пасля яе афіцыйнай публікацыі.
Праз санкцыі ЕЗ аўтамабільныя грузаперавозкі для беларускіх і расейскіх кампаній не ажыццяўляюцца. Уехаць у ЕЗ могуць грузавікі з РФ або РБ толькі паводле спецпрапускоў і правозіць тавары фармацэўтычнага, медычнага або сельскагаспадарчага характару.
26 траўня, пасля таго, як стала вядома, што Вярхоўны суд адмовіў у задавальненні касацыйнай скаргі палітвязня Анджэя Пачобута, Міністэрства унутраных справаў і адміністрацыі Польшчы анасавала новыя санкцыі супраць прадстаўнікоў рэжыма Лукашэнка. Санкцыі Польшча агучыць 29 траўня.
Алена Аляксандрава belsat.eu
