Пасля галасавання была затрыманая мастачка-керамістка Алена Карпенка. Допіс пра яе затрыманне заўважыла выданне «Наша Ніва»: дзяўчына нібыта адправіла відэа з участку на «экстрэмісцкія рэсурсы».
Відэа пра затрыманне з’явілася на малапапулярным праўладным тэлеграм-канале. У ім гаворка вядзецца пра тое, што Алена нібыта прыехала на ўчастак пасля яго закрыцця, «грукалася ў зачыненыя дзверы», здымала ўсё на відэа, пасля чаго пераслала здымкі ў «экстрэмісцкі рэсурс». Затрымалі Алену каля ўчастку.
«Я зняла відэа і даслала сяброўцы, якая жыве за мяжой», – кажа ў відэа затрыманая дзяўчына.
За што канкрэтна затрымалі Алену Карпенку і ў чым яе абвінавачваюць, пакуль невядома.
Алена Карпенка – нарадзінка Магілёва, вучылася ў Менску на архітэктурным факультэце БНТУ. Працуе мастачкай і робіць аздобы і керамічны посуд, займаецца каліграфіяй і роспісам.
Раман Шавель belsat.eu
