Ва Украіне канфіскавалі 60 адзінак тэхнікі беларускіх дарожна-будаўнічых прадпрыемстваў, паведамілі ў пракуратуры Кіева.
Пракуратура Кіева канфіскавала будаўнічую тэхніку, якая належыць тром беларускім арганізацыям, але зараз знаходзіцца на тэрыторыі Украіны.
Гаворка ідзе пра каткі, бульдозеры, экскаватары ды іншую падобную тэхніку, якая належала трэстам № 2 (Гомель), № 4 (Берасце) і № 8 (Менск). Іхныя працаўнікі ўдзельнічалі ў будаўніцтве ўкраінскіх дарог.
Агульны кошт канфіскаванай тэхнікі перавышае 7 мільёнаў долараў.
Канфіскацыю правялі ў межах крымінальнага расследавання фактаў крадзяжу дзяржаўных грошай, выдзеленых з бюджэту Украіны для будаўніцтва і рамонту дарог, а таксама з-за магчымай датычнасці да агрэсіі супраць Украіны.
Алена Рувіна belsat.eu